90 жилийн өмнө буюу 1935 оны тавдугаар сарын 1-нд Монголын анхны кинотеатр “Ард” нээгдэж байсан түүхтэй. Үүнийг билэгшээж энэ өдрийг “Монголын киночдын өдөр” болгон тэмдэглэдэг уламжлалтай болсон билээ. Ингээд энэ салбарт оюун ухаан, сэтгэл зүрхээ зориулж явсан ахмад уран бүтээлчид болон нийт киночиддоо баярын мэндийг хүргэе. Монгол Улсад кино урлаг үүсэн хөгжсөний 90 жилийн ойн баярын арга хэмжээнүүдийг та бүхэндээ үргэлжлүүлэн хүргэсээр байх болно.
