Соёл, спорт, аялал жуулчлал, залуучуудын яам, Засгийн газрын хэрэгжүүлэгч агентлаг Соёл, урлагийн газар, Биеийн тамир, спортын улсын хорооноос улс орон даяар “Соёлын бүтээлч сар” аяныг 2024 оны 11 дүгээр сарын 1-30-ны хооронд явуулж байна. Аяны хүрээнд Ерөнхий боловсролын сургуулийн төгсөх ангийн суралцагчдад кино мэргэжил сонгох, сурталчлах өдөрлөгийг 11 дүгээр сарын 10, 17, 18, 24-ны өдрүүдэд Монгол кино нэгтгэлийн байранд зохион байгуулах гэж байна. Энэхүү өдөрлөгт сурагчид ирснээр кино хэрхэн бүтдэг талаарх ойлголтыг олж авах бөгөөд кино зохиолч, зураглаач, дууны найруулагч, гэрэлтүүлэгч, зураач гээд кинотой холбоотой ямар ямар мэргэжил эзэмшиж болох тэдгээрийн тухай мэдээлэлтэй болно.
