Найдангийн Нямдаваа

• 2015 оны 03-р сарын 03 өдөр, 12 цаг 41 минутад нийтэлсэн

Найдангийн Нямдаваа

/Кино найруулагч, жүжигчин/

(1944-1996 он )

Найдангийн Нямдаваа нь Улаанбаатар хотод 1944 онд төрсөн нийслэлийн уугуул. Дунд сургуулийн сурагч байхдаа 1958 онд Р.Доржпаламын “Гурван найз” хүүхдийн киноны Балбарын дүрд тоглож,1962 оны 9 дүгээр сарын 1-нд Монголкино үйлдвэрт туслах найруулагчаар орж алс хэтийн амьдралын замаа кино урлагтай холбожээ.  Энд нэг жил шахам ажиллаад 1963 онд Москва хотод БХКУДС-ийн найруулагчийн ангид суралцаж 1969 онд И.В.Таланкины удирдлаганд төгсгөж ирснээс хойш гол төлөв хүүхэд залуучуудын сэдвээр уран бүтээлээ туурвисан юм. Н.Нямдаваа сайн найруулагч төдийгүй авьяаслаг жүжигчин, тэр тусмаа инээдмийн бүтээлд сайн тоглож чадах төрºëхийн чанар заяасан гэхэд хилсдэхгүй. Тэрээр олон арван баримтат, орчуулгын киног найруулснаас гадна, кинонд дуу оруулан тоглохдоо бусдын хүндэтгэлийг дааж чаддаг байлаа. Н.Нямдаваа 1969-1981 онд Монголкино үйлдвэрт найруулагч, 1985-1990 онд Монголкино нэгтгэлд найруулагч, 1991-1993 онд Хүүхдийн кино студи, 1993-1996 онд Хүүхэд Залуучуудын Театр-кино Хэрээлэнгийн захирлаар хичээгүйлэн хөдөлмөрлөж яваад зуурдаар нас барсан ч бүтээсэн хэдэн арван бүтээл нь түүнийг мөнхөд дуурсуулах нь гарцаагүй.

Найруулсан кино:

1.Дайны тухай өгүүллэгүүд (Балга ус,Хоёулаа)   1970 он

2.Шинэ танилууд (Чимгээгийн төрсөн өдөр)       1973 он

3.Уулзалт                                                                          1970 он

4.Сүхболдын яриа                                                         1975 он

5.Дэгдээхэй нас                                                              1977 он

6.Хайрхан өндөр хаа байна (хамтарсан)              1978 он

7.Хоньчин Найдан                                                        1979 он

8.Цэрэг эрсийн жирийн өдрүүд                               1981 он

9.Ховор хүмүүс                                                               1987 он

10.Уул усны үр сад                                                         1988 он

11.Даль хагдрах цагаар                                                1989 он

12.Хөгжимчин                                                                1989 он

13.Модон могой                                                             1991 он

14.Буяны нүгэл                                                              1992 он

15.Домог жаргасан цаг                                                 1993 он

16.Манай цүдгэр                                                             1993 он

17.Морьтой ч болоосой. /2 дугаар анги/                1994 он

  Бичсэн кино зохиол:

1.Уулзалт                                                                       1974 он

2.Хоньчин Найдан                                                    1979 он

3.Цэрэг эрсийн жирийн өдрүүд                            1981 он

      Тоглосон кино:

1.Гурван найз                         Балбар                        1958 он

2.Хөхөө гэрлэх дөхлөө         Даваа                           1962 он

3.Энэ хүүхнүүд үү                   Жолооч                     1963 он

4.Сэтгэлийн дуудлагаар       Тракторчин             1965 он

5.Өндөр ээж                           Зундуй                         1968 он

6.Тунгалаг тамир                   Хонгор             1970-1973 он

7.Говь хянганд тулалдсан нь Аюуш баатар        1980 он

8.Ирэх хаврын цэцэг             Панзчин                  1986 он

9.Ховор хүмүүс                      Жолооч                      1987 он