Алтан өргөө. /Монгол кино/

• 2015 оны 01-р сарын 29 өдөр, 22 цаг 28 минутад нийтэлсэн

Бүтээсэн он: 1961 он

Бүлгийн тоо: 9 /өнгөт/

Найруулагч  –  Равжаагийн Доржпалам , Готтфрид Кольдитц
Зохиогч   –  Сэнгийн Эрдэнэ , Курт Бортфельд
Зураглаач   –   Ойдовын Уртнасан , Эрин Гуско
Зураач  –   Лувсангийн Гаваа , Альфрид Толле
Хөгжмийн зохиолч  –  Лувсанжамбын Мөрдорж , Вернер Пыке

Дууны оператор – В.Клаин, М.Сандлер, Ө.Чойжилсүрэн

Нүүр хувиргагч- Г.Пэтри, Б.Баяржаргал

Эвлүүлэгч – Х.Тегенер, Б.Дэмбэрэл

Гол дүр:

Мэргэн ард  –   Жамбын Лувсанжамц
Пагва Сүмбэ   –  Цагааны Цэгмэд
Еров –   Батсүхийн Зориг
Ембо  –   Сүрэнгийн Сүхбаатар

Сарангэрэл  –   Гомбожавын Цэгмэд

Сэндмаа  –   Цэдэндамбаагийн Норжмаа

Лусын хаан   –  Чимидийн Долгорсүрэн,  Курт
Лусын хааны охин    –   Мульхардт Эвилен Кром

Киноны агуулга:

Малчин ард Пагва гурван хүүтэй, хоёр хүү нь хорон муу санаатай, эд агуурсанд шунаг, хар амиа бодогчид бол отгон хүү нь цайлган цагаан санаатай, шударга үнэнч, бусдад тусархаг, цовоо сэргэлэн хүү баив. Аав нь өөрөө ч аминч, шунаг учир мэдсэн сурсан зүйлээ бусдад хэлэлгүй явсаар хоёр их хүүгийнхээ уршигт осолдон гамшигт байдалд орно. Энэ гамшгийг арилгахаар отгон хүү Сүмбэ бусдад тусалсаар мэргэн хүнтэй учирч арга зам заалган гамшигт учирсан нутаг орон, эцэг, ах нараа аварч байгаагаар сайн санаатай шударга үнэн үйлс нь хорон муу санааг ялж чадна гэсэн санааг өгүүлжээ.